1.
गुरुणा प्रणवाद्युपदेशः
उच्चारयेत् त्रिशस्तारं[1] दक्षिणे श्रवणे तथा। ऋषिच्छन्दोदैवतानि ब्रूयात् तस्य क्रमात् सुधीः॥ ३॥
अन्तर्यामीति गायत्री परमात्मेत्यनुक्रमात्। विश्वश्च तैजसः[2] प्राज्ञस्तुर्यश्चाक्षरदेवताः ॥ ४॥
कृष्णो रामो नृसिंहश्च वराहो विष्णुरेव च। परञ्ज्योतिः परम्ब्रह्म वासुदेव इति क्रमात्॥ ५॥
अकारादेस्तथा शान्तातिशान्तान्तस्य देवताः। एवमुक्त्वा तु तद्ध्यानं ब्रूयाद् भक्ताय[3] सद्गुरुः॥ ६॥